4 days antigen testing sa mga empleyado ng NIA-MARIIS HO, isinasagawa

Isinasagawa ng National Irrigation Administration- Magat River Integrated Irrigation System Head Office ang Antigen testing para sa kanilang mga empleyado na nagsimula na kahapon hanggang May 7,2021.

Sa panayam ng 92.9 Brigada News FM Cauayan kay Administrative and Finance Division Manager Pilar Cabauatan ng NIA-MARIIS HO, nasa 98 na empleyado ng kanilang ahensya ang target na sumailalim sa naturang test.

Aniya, mula kahapon ay nasa 47 na empleyado na ang natapos kung saan negatibo ang naging resulta ng kanilang antigen test na isinagawa ni NIA-MARIIS HO Nurse Christine Joy Bumagat.

Ayon pa kay Admin Division Mngr. Cabauatan, layunin ng isinasagawang mass testing na matukoy ang mga empleyadong maaaring carrier ng COVID-19 upang maagapan ang posibleng transmission ng virus sa kanilang tanggapan.

Inihayag din niya na nasa 150 COVID-19 testing kits ang binili ng NIA-MARIIS para sa naturang aktibidad kung saan ang 25 dito ay nauna nang ibinigay sa Division ng Ramon matapos magkaroon ng mga empleyadong nagpositibo sa COVID-19 sa nakalipas na 2 linggo.

Nagkaroon na rin aniya ng pagpupulong ang kanilang ahensiya kasama ang mga division sa San Mateo, Ramon, San Manuel at Santiago City upang magsagawa rin ng kaparehong aktibidad.

Leave a Reply

Your email address will not be published. Required fields are marked *