Arestado ang 4 ka miembro sa New People’s Army atol sa joint operation sa 58th Infantry Battalion Philippine Army ug Philippine National Police sa Misamis Oriental.
Sa nahisgutan nga operasyon narekober sab gikan sa managlahing luar ang mga armas ug ammunitions.
Kahinumduman nga usa ka alyas Juno ug Yesa ang mitahan niadtong nakalabay nga semana ug mibulgar sa lokasyon kung asa gitagoan ang pipila ka mga gamit sa pang-gyera sa ilang lider nga maoy responsabli sa sunod-sunod nga engkwentro.
Lakip sa nasikop si alias Jonathan, alias Edward, Berito alias Lorence ug alias Jelo nga polus mga full-time members sa Platoon Cherry Mobile, Huawei, Sub-Regional Committee 1, North Central Mindanao Regional Command.
Narekober sab sa otoridad ang AK 47 rifle, duha ka cal .30 Carbines ug 15 rounds sa .40mm grenade launcher ammunition. Gidala na ang mga nasikop nga NPA sa 58IB Advance Command Post, Brgy Umagos Lagonglong Mis Or ug takda nga i turn over sa Misamis Oriental Police Provincial Office alang sa pagpasaka sa kaso.