Napasakaan na sang kaso nga paglapas sa Presidential Decree 1602 ukon Anti-illegal Gambling Law, ang apat ka persona nga nadakpan nga nagapatigayon sang iligal nga pasugal sa Barangay Baybay, Roxas City.
Ginkilala ang mga nagkaladakpan nga sanday Ryan Jacinto Benid, 42-anyos, residente sang Purok 1, Fernan Villanueva Bellosillo, 27-anyos, residente sang Purok 2, Barangay Libas, Alexander Sereneo Delay, 52-anyos, residente sang Altavas Boulevard Barangay Baybay kag Darleno Apilit Barona 60-anyos kag residente sang Sitio San Juan Barangay Baybay sining syudad.
Nakuha sa posisyon sang mga nagkaladakpan ang tatlo ka P5.00 coins, board game nga human sa semento, marker pen, apat ka plastic nga bangko, chalk kag P597.00 sa nagkalain-lain nga denominasyon.
Nagapabilin sa kustodiya sang Roxas Component City Police Station ang nasambit nga mga persona para sa nagakaigo nga desposisyon.