Gimandu ni Police Regional Office(PRO 7) Director Brigadier General Anthony Aberin nga ibalhin sa upat ka mga police personnel nga nasakpan nga nangatulog sulod sa patrol car panahon sa ilang duty hours.
Ang maong mga pulis ipabalhin ni Aberin sa Siquijor ug Negros Oriental.
Matud ni Cebu City Police Office (CCPO) Chief Colonel Ireneo Dalogdog, nga duha sa maong mga pulis ang gikan sa Abellana Police Station ang mabalhin sa probinsya sa Siquijor samtang ang laing duha nga na-assigned sa CPPO’s Mobile Patrol Unit adto mabutang sa Negros Oriental Police Provincial Office.
Kahinumduman nga ang videos sa nangatulog nga pulis nag-viral sa social media.
Nipagawas usab ug direktiba si Dalogdog sa tanang mga station commanders ug special unit heads nga kung adunay mga pulis nga matulog sa panahon sa ilang duty ma-relieve dayon kini sa pwesto.//