Dakop ang 4 ka tripulante matapos naaktuhan nga nagapatigayon sang iligal nga pagpangisda sa kalalawran nga sakop sang Brgy. Balaring, Ivisan, Capiz.
Ginkilala ang mga nadakpan nga sanday Norwel Ondillo Embocado, 32-anyos, kapitan kag tag-iya sang sakayan pandagat; Jobane Billones, 48-anyos, Rolan Embocado De Guzman, 36-anyos kag Jade Bate Dela Cruz, 21-anyos kag lunsay mga residente sang Purok 1, Brgy. Libas, Roxas City.
Narekober sa ila posisyon ang isa ka sakayang pandagat, 2 ka motor engine, fishing gears nga ginabanta nagabalor tanan sang P50,000.
Magabayad ang mga ini sang penalidad sa paglapas sa Municipal Fisheries Code, Ordinance No.3 series of 2012. Sa karon, yara na sa kustodiya sang Ivisan Municipal Agricultureโs Office ang mga nadakpan para sa nagakaigo nga disposisyon. | Judy Ann Juare