4 ka unit sa motorsiklo gitugyan ngadto sa kapulisan sa Polomolok

PORMAL nga gitugyan ngadto sa Polomolok Municipal Police Station ang upat ka unit sa motorsiklo inubanan sa set sa mga helmet gikan sa lokal nga panggamhanan sa Polomolok, South Cotabato.

Atol sa tradisyonal nga flag raising ceremony gihatag ngadto sa kapulisan sa Polomolok ang mga motor. Ang mga bagong unit sa motorsiklo ang gamiton matud pa sa pagpakusog sa anti-crime operations ug makahatag og paspas nga tactical police response sama sa mga street-crimes ilabi na ang mga gikalambigitan sa mga motorcycle-riding suspects o riding in tandem.

Ang paghatag og dugang ekipo sa kapulisan sa maong munisipyo ang sumala pa parte sa gipakusgang partnership sa LGU ug kapulisan ilawom sa liderato ni PLt.Col. Joseph Forro,III acting chief of Police sa Polomolok MPS. I MJ Fernandez

Leave a Reply

Your email address will not be published. Required fields are marked *