Gina turo nga suspek ru 4 ka mga menor de edad sa pag panakit it sangka costumer ag pagpamaeag sa 3 mga waitress it sangka bar sa Jayme Cardinal Sin Brgy. Andagao, Kalibo, Aklan kabie.
Sa imbistigasyon, naga sinangag ag naga inuman ru mga suspek kaibahan ru 4 man ka mga kababayen-an sa sueod it bar.
Gin reklamo mismo it tag-ana it bar sa Kalibo MPS ru mga menor de edad matapos mag crear it kaguluhan kat andang gin kabuligan nga sakiton ru sangka costumer nga nakilaeang si Jodel Silvestre, 29 anyos ag residente it Libacao.
Naka angkon it lastro sa kaeawasan ru biktima.
Nahimo pang parahan it mga bouncer ru mga suspek nga menor de edad rasonnga nagpaeanaw sakay sa sangka tricycle.
Apang matapos ru pilang oras, binalikan it mga suspek ag gin hinaboy ruย bar rason nga nag pangayo it responde sa mga pulis ru tag-ana mismo it bar.
Hadakpan man it mg akatapoโt Kalibo MPS ru mga suspek ag dayon gin pasakay sa patrol car it pulis para imbistigahan sa presinto.
Habang naga sakay sa patrol rum ga suspek, gin paeag pa nanda ru 3 mga waitress nga kaibahan sa patrol agud magreklamo nga sanday Kim dela Cruz it Brgy. Libas, Banga, Gabrela Bordones, 37 anyos ag residente it Brgy. Pook, Kalibo kaibahan man si Nelsa Indrada it nasambit man nga lugar.
Nagtuga it kakoeba sa mga waitress rason nga gin reklamo ru mga menor de edad.
Makarong adlaw, naka taeanang iga patawag it Kalibo MPS ru mga ginikanan it mga suspek nga menor de edad.//MARIVIC Y. ILIN