LEGAZPI CITY β Tinawan nin pagbisto an apat na estudyante gikan sa banwaan kan Daraga makalihis na makakua nin medalya sa Hongkong International Mathematical Olympiad (HKIMO) Final Round 2023 sa Tsuen Kwan-O, Hongkong.
Gikan an mga ini sa Daraga North Central School na binistong sinda Drico A. Baynado, Grade 1 student asin Rylee Xander Pamplona, Grade 2 student na nakakua nin silver medal award, mantang bronze medal man an iginawad sa grade 4 students na sinda Aiven A. Baynado asin Hagen Jozef O. Lita.
Kairibahan ninda sa kompetisyon an iba pang mga qualifiers hale sa 15 nasyon sa Asya, asin sinda an nagtagisan sa Math.
Mientrastanto, tinawan man sinda nin pagbisto sa paagi kan Program on Awards and Incentives for Service Excellence (PRAISE).
Presente sindang nasa eestado kan pagpepreparar huli ta sinda an masabak sa Math competition sa maabot na Oktubre sa Thailand.