Dugang upat ka mga bag-ong kaso ang gihikay sa otoridad kagahapong adlawa batok sa mga indibidwal nga nadakpang nagpresenta og peke nga Reverse Transcription-Polymerase Chain Reaction test result.
Gibutyag ni Davao City Mayor Sara Duterte-Carpio sa interview sa disaster radio kaganiha, nga ang upat inbound passenger sa Davao International Airport nga misulay sa pagpameke sa maong dokumento.
Matud sa opisyal nga posibleng naabtan na ang mga nahishgutan og kamahal sa pagkuha sa RT-PCR result apan gitataw niini nga mas6 maayong dili na lang sulayan mangilad aron dili magdoble ang atubangon nga problema.
Kahibaluang base sa naunang palisiya nga gisunod sa City LGU, ang mga masakpang nagpresenta og peke nga RT-PCR result ang kinahanglan nga ipailawum sa swab testing sa kaugalingon nga gasto gawas sa kaso ug multa nga nag-atang lakip ang kahasol ug posibleng impeksyon sa kagaw.
Multa nga anaa sa 46, 500 apil na ang dinhi ang 4,500 bayad sa swab tes sa DIA ug 6,000-40,000 nga bayad sa inquest bail. Subay sa talaan , as of April 17, 2021 moabot na sa 79 ka tawo ang nadakpan tungod sa pagpresenta og peke nga negative RT-CPR test result walay labot ang nadugang nag upat.