4 patay sa sunog sa Lanao del Norte

Gi-imbestigaran na Police Regional Office 10 ang pagkasunog-patay sa upat ka myembro sa pamilya human nalakip kini nga nalamoy sa kalayo sa pagkasunog sa ilang panimalay diha sa Purok 1,Brgy Tangueguiron, Tubod, Lanao del Norte.

Gibutyag ni Police Major Joan Navarro ang tigpamaba sa Police Regional Office 10 nga sa inisyal nga imbestigasyon sa Tubod Police Station ug Bureau of Fire Protection sa Lungsod sa Tubod nga naila ang mga nasunog nga biktima nga si Charita Cabus, 71 anyos; usa ka retired teacher sa Tubod Central Elementary School og ang tulo ka mga apo niini nga sila si Roy John 11 anyos; Rais Christine Cabus, 22 anyos ug ang 10 month old nga bata.

Matud ni Police Major Navarro nga tulog ang mga biktima diha nahitabo ang insedente ug dugaang sab ni Navarro nga gisulayan pa og luwas ni Roy Bais Cabus nga usa ka police officer sa PRO 10 ang iyang upat ka mga kabanay nga anaa sa sulod sa panimalay nga nasunog apan pakyas kini tungod sa ka daku na sa kalayo.

Sa pagresponde sa mga otoridad sa nahitabuan, naugdaw na sa kalayo ang tibuok balay lakip ang sab ang upat ka biktima.
Muabot sa kapin kon kulang P500,000 ang damyos sa maong sunog ug wala pa masuta ang hinungdan sa sunog.

Samtang ang mga patayng lawas sa mga biktima takdang i-otopsiya ug padayon pa ang imbestigasyon kung aduna bay foul play ang panghitabo.