Gi-turn over sa Cebu City Government ang upat ka pick up nga sakyanan nsa Cebu City Police Office kagahapong adlawa.
Nasayran nga mismong si PNP Chief Guillermo Eleazar ang midawat niini sa Camp Sotero Cabahug sa Gorordo Avenue.
Si Atty. Rey Gealon, pangu sa City Legal Office, maoy representante ni Mayor Edgar Labella ug maoy mi-turn over sa upat ka sakyanan ngadto ni PNP Chief Eleazar ug CCPO Director Josefino Ligan.
Subay niini, mapasalamaton si Gen. Eleazar sa City Government nga gipanguluhan ni Mayor Labella sa padayong suporta sa kapolisan.
Samtang saludo usab si Labella sa kapulisan sa gihatag nga sa serbisyo ug sakripisyo sa Sugboanon sa padayong pakig-gubat sa COVID-19 ingon man sa kampanya batok sa kriminalidad ug illegal drugs.///