LEGAZPI CITY – Uminabot sa poko mas o menos 400 katawo an nagpartisipar sa pigkondusir na biking activity kan Philippine National Police (PNP) Bicol kan Sabado, Setyembre 30.
May kinaraman an aktibidad sa papaabot na Barangay asin Sangguniang Kabataan Elections (BSKE) 2023 sa Oktubre 30.
Obheto kaining pakusugon an pagkasararo kan mga stakeholders asin ipromotir an pagtaong importansya sa salud.
Apwera sa PNP Bicol, kaibahan pa sa mga presente asin nagpartisipar an mga personahes gikan sa BJMP, DSWD, Philippine Army, DOLE, CSC, DPWH, COMELEC, PCG, NICA PDEA, BFP, NAPOLCOM, DENR asin NAVFORSOL.
Mientrastanto, nagpahayag man nin pagpapasalamat si PNP Bicol Regional Director PBGen. Westrimundo Obinque sa gabos na mga partisipante na nakismaro kun sain sinda su boot an nagin simbolo kan pagpakusog kan mga relasyon asin pagkasararo.