DAKPAN sa anti- narcotics operation sa kapulisan sa Soccsksargen region ang 42 katao, sulod sa usa ka semana.
Ang pagkasikop sa maong ihap sa indibidwal ang dungan sa paglusad og 39 ka operasyon sa maong mga panahon.
Sa maong ihap sa mga dinakpan unom niini ang gikonsidera sa kapulisan nga High Value Individual (HVI). Samtang mokabat usab sa kinatibung 32.61 gramo sa shabu ug 19.10 gramo sa gituohang marijauan ang nakumpiska nga dunay kinatibuk-ang kantidad nga P224, 040. Matud ni Police Brig. Gen. Jimili Macaraeg, regional director sa Police Regional Office (PRO-12) nga magpahugtan pa nila ang kampanya batok gidiling droga.
Kini usab ang resulta sa pagtinabangay sa tanang law enforcement agency aron masiguro nga luwas ang komunidad batok sa epekto sa gidiling droga. I Richel Gubalani