44 Wanted persons kag 16 ‘Illegal gamblers’ nadakpan sang PRO-6 sa sulod sang 2 ka adlaw

Ginpabugal sang Police Regional Office (PRO-6) ang ila madinalag-on nga operasyon matapos nga naaresto nila ang 44 ka wanted persons kag 16 ka mga indibidwal nga nagapatigayon sang ilegal nga sugal sa sulod sang duha ka adlaw sa Western Visayas.

Sandig sa datos nga ginpaguwa sang PRO-6 humalin Marso 1 tubtob 2, natigayon nga naserbi ang 44 ka mga arrest warrants ang magkatuhay nga police stations sa rehiyon, 9 diri ang most wanted kag 35 naman diri ang other wanted.

Natigayon man nga nadakpan ang 16 ka indibidwal sa 5 tanan ka mga operasyon kag nagdangat sa P1,980 nga kwarta ang nakumpiskar sang mga otoridad sa iligal nga sugal. | Judy Ann Juare