Ginahandaan sang Schools Division sang Negros Occidental ang pagpatigayon sang face-to-face classes maga-umpisa sa palaabuton nga Nobyembre 2 subong nga tuig.
Ginpahayag ni Negros Occidental Schools Division Superintendent Marsette Sabbaluca sa subong nga bulan sang Hulyo handom sang ila nga talatapan nga tanan nga mga buluthu-an maka-comply ukon maka-sunod sa ginapatuman sang Department of Education nga School Safety Assessment agud mapat-od nga sa pagbalik sang mga kabataan sa Agosto mapat-od nga safe kag handa ang tagsa ka mga eskwelahan.
Sandig kay Sabbaluca, mando sang Dep-Ed buksan ang tanan nga mga eskwelahan sa maabot nga Agosto 22, kun sa diin igapatuman ang nagkalain-lain nga modalities kaangay sang module kag on-line class.
Sa record sang Schools Division yara sa 48% sang mga buluthu-an sa bug-os nga probinsya ang handa na sa liwat nga pagbukas sang klase apang may iban nga lubos naapektuhan kag ginguba sang bagyo Odette nga wala makay-o.
Suno sa schools division superintendent ila ginapangitaan sang pundo ang pagpakay-o sang naguba nga mga buluthu-an wala labot sa pundo ginpain sang gobyerno probinsyal kag sang provincial school board bangud nga tuman kadako ang kinahanglanon nga kuarta para diri.
Ang ginatumod ni Sabbaluca nga 48% , nagapatuhoy sa 252 gikan sa 581 ka mga public schools nga magabukas sa karon nga school year 2022 -2023.
Ginklaro ni Sabbaluca indi kinahanglan para sa mga kabataan nga fully vaccinated agud nga makabalik sa buluthu-an para sa on-site learning, apang iya ginahingyo ang mga ginikanan nga kun may kahigayunan pabakunahan ang ila sini mga kabataan para sa dugang nga proteksyon batok sa Covid 19. Via: Nimrod Zabala
Diretsahang inamin ng baguhang aktor na si Yasser Marta (27 yrs old) na mayroon siyang…
Matagumpay na naidepensa ni Regie “Filipino Phenom” Suganob ang kanyang World Boxing Organization (WBO) Global…
Habang ang milyun-milyon taon sa buong Southeast Asia ay dumaranas ng matinding init na pananhon,…
Ninakaw ang isang aircon sa municipal health office sa Pangasinan dahil sa tindi ng init.…
Nasa kustodiya na ng Bureau of Corrections (BuCor) sa Muntinlupa ang negosyanteng si Cedric Lee…
Sugatan ang isang fish dealer at pahinante nito habang nakaligtas ang driver ng trak nang…