NAKA KUSTODIYA karon sa selda sa Alabel Police Station ang usa ka 49-anyos human nga gidakop sa kapulisan gumikan sa iyang kaso nga gi atubang sa korte.
Subay sa accomplishment report sa Alabel PNP Mayo 10, 2023 alas 11 sa udto gisilbi ang kamandoan sa korte nga dakpon si Orlando Carakotdakot habal-habal driver, minyo ug taga Purok 11 Spring, Alabel, Sarangani Province.
Subay sa warrant of arrest ang kaso sa akusado may kalabotan sa Anti Child Abuse Law ilawom sa RA 7610.
Ang kamandoan permado ni Hon Judge Fatima Eugenio pinitsahan Mayo 3, 2023 ug walay girekomenda nga pyansa ang korte alang sa iyang temporaryo nga kagawasan. I Ver Diazon