Mikonhud ngadto sa 49 ang natala nga validated dengue cases sa syudad sa Davao sa bulan sa Mayo karong tuiga.
Subay sa datus sa City Health Office, Tropical Diseases Prevention and Control Unit, anaa sa kinatibuk-ang 372 ang validated dengue cases gikan bulan sa Enero hangtud bulan sa Mayo 2021.
Pinakadaghan nga nalata sa bulan sa Abril nga anaa sa 104; Marso nga nakatala og 102; bulan sa Pebrero nakatala og 88 ka kaso samtang sa bulan sa Enero anaa sa 78 ang dengue cases nga narehistro.
Sumala kang Elizabeth Banzon labaw sa Trocial Diseases Unit sa CHO, anaa sa kapin kwatro syentos ang nareport sa ilang buhatan apan anaa lamang sa 372 ang kumpirmado.
Sa karon anaa saunom ka mga barangay sa dakbayan ang hugot gimonitor sa ahensya nag gilangkuban sa Brgy. 76-partikular sa S.I.R. ug Kabacan; Buhangin Agdao, Obrero, Sasa ug Talomo Proper nag nakatala og mga kaso sa dengue.
Usa sa nakitang rason sa pagkonhud karong bulana mao ang pagmatngon sa katawhan apan hugot pa gihaping nanawagan ang buhatan nga kanunayon ang paglimpyo sa palibot ilabi na sa mga lugar nga pwedeng himoong breeding site sa lamok nag nagdala sa sakit nga dengue.