4Ps cash card sa Antique, ginbutangan it mga selyo para malikawan nga masangla

Ginselyuhan it mga personnel it 4Ps sa Antique ro mga cash card it mga benepisyaryo it Pantawid Pamilyang Pilipino Program (4Ps) para malikawan raya nga masangla o magamit bilang collateral para sa mga loan sharks.

Base man sa kumpirmasyon ni Jeffrey Gabucay, 4Ps Provincial Link sa Antique, ro probinsiya it Antique ro pinakauna sa Western Visayas nga naglunsar it sealing it mga cash card matapos nanda nga madiskubrehan nga ro pila ka mga grantee ay nagasangla sa mga loan shark, nga mahugot nga ginapagbawae.

Matapos makabaton ro grantee it cash grant, ro card nga kapareho sa ATM card hay igabutang sa sueod  it sambilog ka puti nga mailing envelope ag ginatatakan it sticker nga pirmado it Municipal Link it programa.

Bangud dikara, magiging madali sa anda nga masayuran kung gin buksan it grantee ro  envelope it timprano ag uwa nagsunod sa tama nga iskedyul it payout./JIL B. LACSON

Leave a Reply

Your email address will not be published.