KAPIN o kulang singko mil nga mga senior citizen sa tibuok Gensan ang nakadawat og cash gift nga tag P2,000 ang matag usa.
Kini ang giluwatan nga pamahayag ni Celso Mendoza ang tigpamaba sa Office of the Senior Citizens Affairs kon OSCA Gensan alang sa mga nag birthday niadtong bulan sa Enero 2023.
Samtang ang sa bahin sa Pebrero gipamahayag niini nga ginaproseso pa ug kon walay problema sa dili madugay mosunod na usab ang alang sa maong bulan.
Kalabot niini nagpasalamat ang tigpamaba nga natuman ra gyud ang ginapangandoy nga mahatagan na og cash gift ang mga senior citizen nga una niining gipaningkamotan sa panahon nga siya pa ang pangulo sa mga senior citizen. I Danny Casi