5 personnel it Iloilo City Molecular Laboratory, gin-training para sa Monkey Pox Detection

Limang personnel it Uswag Iloilo City Molecular Laboratory ro madinaeag-on nga nakakumpleto it andang Training sa Biosafety Precautions and Molecular Detection of Monkeypox Virus (MPXV) by Real-Time PCR.

Ginpatigayun raya virtually it Department of Health’s Research Institute for Tropical Medicine (RITM).

Ro Pathologist nga si Dr. Chiclet Ong, ag medical technologists nga sanday Annabelle Rosario Blancaflor, Mary Grace Alejano, Kristianne Faith Fernandez ag Asher Clover Escares ro umabang sa pre-test ag post-test examinations sa 2 adlaw nga training.

Ro molecular lab hay kumpleto segun sa mga makinarya ag kagamitan para sa testing.

Ginpahayag ni Blancaflor nga sa makarun hay nagahueat pa sanda sa actual procedure ag test kits para maumpisahan eon nanda ro testing para sa monkeypox.  

Kan-o eang hay ginbuksan eon ro bag-ong Uswag Iloilo City Molecular Laboratory ag ginpabugae ro mga state-of-the-art equipment ag pasilidad para mag-cater it reverse transcription polymerase chain reaction (RT-PCR) test.

Accredited man raya it DOH, ag ginkilaea it RITM nga may 100% quality assurance rating. / ANN DESLENE SALAZAR

Leave a Reply

Your email address will not be published. Required fields are marked *