Inilikas ang nasa limampu’t isang (51) pamilya mula sa baybayin ng Barangay Bancao- Bancao sa Puerto Princesa City dahil sa malalakas na alon at hangin.
Ayon kay City Information Officer Richard C. Ligad, bandang alas- nwebe kagabi nang ilikas ang mga pamilya na binubuo ng 162 na indibidwal at dinala sa evacuation center sa Mauricio Reynoso Sr.Memorial Elementary School at Jacana Annex School.
Ngayong umaga ay patuloy ang pamamahagi ng mga relief goods, pagkain, inuming tubig at mga higaan sa mga apektadong pamilya.
Kaugnay nito, nakabantay naman ang mga tauhan ng BDRRMO, CDRRMC at mga opisyales ng barangay sa mga residenteng inilikas.