Patay nang nakaplagan sa iyahang kabanay ang usa ka 54 anyos nga mag-uuma, human gidunggab ug gipusil sa wala mailhing mga responsible sa krimen.
Giila ang biktima nga mao si Jonalyn Tadiaque Pomdarcon nagpuyo sa P-4 Barangay Lafortuna Veruela, Agusan del Sur.
Sa gipagawas nga impormasyon gikan sa kabanay niini kapin kung kulang alas 10:00 sa buntag nakit-an nila ang patayng lawas sa biktima nga aduna nay samad dinunggaban ug pinusilan sa nagkadaiyang parte sa iyang lawas.
Base usab sa mga residente duol sa nahitaboan kapin kung kulang alas 6:00 sa gabii niadtong Abril 30 adunay silay nadungog nga mga buto sa armas, apan ilahang gibali-wala lamang ang ilang nadunggan.
Sa pikas bahin hustisya ang singgit karon sa iyahang pamilya sa ingon man nga maayong tawo ug walay kabikil ang biktima.
Luyo niana gipahugtan pagyud pag-ayo sa mga kapulisan ang imbestigasyon aron masayran ang motibo sa krimen.