54 ka blood bag nakolekta sa blood-letting activity sa Sarangani Prov’l Hospital

MOKABAT sa 54 blood bags ang natigom gikan sa malampusong donors sa gipahigayong blood-letting activity sa Sarangani Provincial Hospital (SPH) Pebrero 20.

Gisalmotan kini sa mga regular ug first-time blood donors nga mipaambit sa ilang dugo.

Ang maong activity ang sa pakig-alayun sa Philippine Red Cross (PRC) Gensan Chapter.

Segun ni Ronora Yadao, Medical Technologist III, ang blood donation ang madugang sa supply sa probinsya nga gamiton sa mga panahon sa emergency asa kinahanglan ang dugo.

Dugang niini ang PRC naga require sa ospital nga magpahigayon og blood donation drive bisan ka duha ka beses kada tuig isip kabahin sa lisensya sa blood bank sa hospital.

Alayun niini giawhag usab ni Yadao sa mga possible blood donor nga mag donate sa matag higayon bisan walay schedule ang hospital sa blood donation tungod mahimo usab didto sa PRC isip “walk-in donors.”

Ang pagdonar og dugo matud pa dili lang makatabang sa pagluwas og kinabuhi apan makaayo usab kini alang sa kahimsog sa panglawas sa donor.

Photo by Sarangani Provincial Information Office

Leave a Reply

Your email address will not be published. Required fields are marked *