57yo nga eaeaki, nagreklamo matapos mahapit it sangka motorsiklo

Nagreklamo sa Kalibo MPS ro sangka eaeaki matapos segun raya nga mahapit it sangka motorsiklo.

Ginkilaea ro complainant nga si Ariel Makilan 57yo it Brgy. Andagao, Kalibo.

Sa report kara sa pulis, bandang alas 9 it gabii ku December 11 samtang nagabaktas imaw sa nasambit nga lugar partikular sa likod it sangka eskwelahan kat gulpi rayang nahapit it sangka motorsiklo.

Bangud sa insidente, natumba ro tagreklamo ag nag angkon it injury sa anang siki samtang ro motorsiklo hay gulping nagpanaw.  

Mayad eon lang segun ag ginbuligan imaw it nag agi nga tricycle ag ginhatud imaw sa andang baeay.

Samtang, owa nakilaea it complainant ro driver it motorsiklo nga nakahapit kana. / ANN DESLENE SALAZAR

Leave a Reply

Your email address will not be published. Required fields are marked *