58 containers sa SBFZ sinuri ng BOC, nasa 30K sako ng misdeclared refined sugar nasabat

Sinuri ng Bureau of Customs, Department of Agriculture at Subic Bay Metropolitan Authority ang 58-containers kahapon sa SBFZ.

Nagresulta ito ng pagkakasabat ng 30,000 sako umano ng misdeclared refined sugar na nagkakahalaga ng tinatayang 150-million pesos.

Nag-isyu si District Collector Maritess Martin ng Pre-Lodgement Control Orders and Alert Ordersmatapos na makatanggap ng impormasyon mula sa Department of Agriculture tungkol sa nasabing shipments.

Pinangunahan ni Customs Commissioner Bienvenido Rubio, Port of Subic District Collector Maritess Martin, DA Assistant Secretary James Layug, at Subic Bay Metropolitan Authority Chairman and Administrator Rolen Paulino Sr. ang inspeksyon.

Kaugnay nito, sinuri rin ang dalawa pang container ng squid rings kung saan nadiskubre naman umano ang misdeclared assorted frozen meat products na nasa 40-million ang halaga.

Samantala, mag-iisyu naman ang BOC ng Warrant of Seizure and Detention sa mga nabanggit na shipments.//Jen Bayot-BNFM OLONGAPO

PHOTO: Bureau of Customs PH

Leave a Reply

Your email address will not be published. Required fields are marked *