NANGATAWA ug nagapasalamat ang mga mabdos gumikan nalingaw ug nakadawat og mga pahalipay gikan sa Brigada Gensan sa ika 28 nga End Stunting Now Activity sa sulod sa Family Planning Unit sa Dr. Jorge P. Royeca Hospital Agusto 16,2023
Walay kaba ang usa ka mabdos nga inahan nga ipakita ang iyang abilidad sa pagsayaw aron malingaw ang iyang mga kaubanang mabdos samtang nagahulat sa ilang Pre Natal Orientation
Gumikan niini siya ang napili nga mananaug ug nakadawat sa triple nga pahalipay gikan sa Brigada Gensan
Malipayon usab ang mamahimong first time mommy gikan sa Barangay City Heights nga si Angel Floro nga swerte nga nabunot alang sa libre nga ultrasound
Nakadawat usab og libre nga bitamina ang mga mabdos, usa ka bag-ong prudokto sa Brigada alang sa kahimsog sa mga inahan ug sa mga ginasabak, sumala kay Creative Development Officer Angel Tamayo nga adunay dakung ikatabang sa mga mabdos ang Moms love ES1 capsule luwas sa mga bitamina nakadawat usab ang mga mabdos og Infant Kits, may libre gihapon nga arrozcaldo ug tubig.
Samtang usa kanila ang ma swerte nga nabunot alang sa usa ka libo ka pesos nga pahalipay.
sumala kay Midwife II Merchel Gabonada nga nagkadugay nagkadaghan ang mga pahalipay sa Brigada Gensan alang sa mga mabdos.
Alang kaniya mahinungdanon kaayo ang adbokasiya sa Brigada Gensan nga End Stunting Now
Kahibaluan nga ang pre natal orientation sa family planning unit sa DJPRH ginahimo sa matag adlaw nga Miyerkules ug dungan usab niini ang advocacy activity sa Brigada nga End Stunting Now. I Ver Diazon