590 pamilya, apektado it surgical lockdown sa Brgy. Manoc-manoc sa isla it Boracay

MALAY, AKLAN—Nagaabot sa 590 pamilya o masobra daywang libong residente do apektado sa ginapatuman nga surgical lockdown sa Zone 5, Brgy. Manoc-manoc sa isla it Boracay.

Suno kay Malay acting Mayor Frolibar Bautista, ginpaidaeom do Zone 5 sa 14 diyas nga lockdown para nga indi eon magsaka do numero it mga natapnan sa deadly virus ag malikawan nga magkalat pa raya sa iba pang barangay sa isla.

May una man eon sigon nga food packs nga ginpanao sa mga apektadong pamilya at naga-usoy man sanda it pamaagi agud nga mapun-an do ayuda eabi eon sa mga pagkaon it mga residente nga indi magaguwa.

Sa pinakaulihi nga datos it Malay MHO, do Zone 5 sa Brgy. Manoc-manoc hay may una lang makarun nga 13 aktibong kaso it COVID-19. // SHERRY ANNE REUNIR-VIDAL

Leave a Reply

Your email address will not be published. Required fields are marked *