592 ka pamilya sa Brgy. Cabugao, nakabaton sang libre nga bugas

Makit-an ang kasadya sa nawong sang mga pumoluyo sa Brgy. Cabugao matapos mabaton ang 15 kilos nga bugas gikan sa local nga gobyerno sang Roxas City.

Ginpangunahan ni Mayor Ronnie Dadivas, ang distribusyon sang bugas sa masobra 592 ka pamilya sa nasambit nga barangay.

Suno kay Marilou, malipayon gid sila kun magpadulong ang alkalde sa ila barangay kay sigurado nga may bugas gid sila nga pagabatunon.

Ginakabig naman sang mga pumuluyo bilang grasya ang ini nga kahimuan, bangud man nga indi na sila magpalibog pa sang tilig-angon sa pang adlaw-adlaw.

Leave a Reply

Your email address will not be published. Required fields are marked *