6-anyos nga special child, biktima sa sunog sa CDO

Nakabsan sa kinabuhi ang usa ka 6 anyos nga bata homan nasunog ang usa ka balay diha sa Purok 3, Barangay 35 ning syudad sa Cagayan de Oro kagahapun sa hapun.

Sumala sa amahan niini nga si Arnel Casulo, nga usa ka PWD o Person with Disability nga anaa siya ubos sa ilang gipuy an nga balay kay nag sideline kini og pag-a lot.

Mao na lamang iyang nabantayan nga midilaab na ang ilang panimalay.

Maglisud sab siya sa pag rescue sa 6 anyos niya nga anak nga lalaki tungod sa iyang kamimtang nga maglisud sa paglakaw.

Ang iyang anak lamang matud pa ang nabilin sa taas ug siya nga anaa sa ubos tungod kay atoa man ang iyang asawa sa Bukidnon.

Sumala pa ni Arnel, posibleng nahilabtan sa bata ang bombelya sa suga nga atoa sa taas nga nagresulta sa sunog.

Apan, nagpadayun pa karon ang imbestigasyon sa Cagayan de Oro City Fire District sa nahisgutang sunog.

Base sab sa initial nga imbestigasyon sa City Fire District, 1500 pesos ang gibana banang structural damage sa sunog.

Nasayran nga niadtong adlawng Dominggo, gilamoy sab sa kalayo ang muabot sa 15 ka mga panimalay diha sa nahisgutang lugar. END

Leave a Reply

Your email address will not be published. Required fields are marked *