Dako nga bugal sa bahin sang Jamindan matapos nakapasar ang 6 tanan ka Jamindanganon sa bag-o lang tapos nga Abril 2023 Civil Engineers Licensure Examination.
Kalakip sa 5,887 passers amo sanday Engr. Ian Luces Vadillo nga taga Barangay Baye-Baye; Engr. Renielle Mae Marquez Verde kag Engr. Jenny Ann Fabiano Cornepillo nga taga Barangay Molit; Engr. Hannah Bel Dominggo Tacuyan residente sang Barangay Agambulong; Engr. Jean Rose Villas Yntas nga taga Barangay Poblacion kag Engr. Jester Gallenero Nobleza nga residente naman sang Barangay Caridad.
Nahibaluan nga kapin 16,936 tanan ang nagkuha sang nasambit nga eksaminasyon sa nagkatuhay nga examination centers sa bug-os nga Pilipinas kun sa diin lapit anum ka libo lang ang nakapasar.
Nagpa-abot naman sang pagpanginbulahan ang lokal nga gobyerno sa amo nga banwa sa mga bag-o nila nga inhinyero.//KMD Gicalde