6 ka kabanwahan sa Capiz, nagapabilin nga hilway sa ASF

Nagapabilin nga hilway pa sa balatian nga African Swine Fever (ASF) ang anum (6) ka mga kabanwahanan sa probinsya sang Capiz.

Suno kay Provincial Veterinarian, Dr. Leonel Abordo, kalakip sa wala pa sang kaso sang ASF sa probinsya ang banwa sang, Dao, Cuartero, Mambusao, Jamindan, Sigma kag Dumalag.

Samtang nagdugang ang banwa sang Ivisan kag Sapian nga may positibo nga kaso sang ASF lakip na dire ang Panay, Panitan, Dumarao, Maayon, Pilar, President Roxas, Pontevedra, Tapaz kag Roxas City.

Dugang pa ni Abordo, ilabi sang mga ini nga pasangkaron ang pagbantay sa mga control checkpoints sa anum ka mga banwa agud mapabilin ang mga ini nga hilway sa amo nga balatian kag may makuhaan pa sang suplay sang baboy sa probinsya. Ginpalab-ot man sini sa pumoluyo nga suportahan ang ginahimo nga lihok sang ila talatapan kag magkatuhay nga Municipal Agriculture Office (MAO) agud mapunggan ang paglapta sang balati-an.

Leave a Reply

Your email address will not be published. Required fields are marked *