Sulu Province – 6 miembro del Abu Sayyaf el voluntariamente ya rindi con el tropa del 1102nd Infantry Brigade na diila mismo Headquarters del Barangay Tagbak Indanan na Provincia de Sulu.
El Nuevo instolao 1102nd Brigade Commander Col. Giovanni Franza ya identifica con el mga surrenderies amo canda Abral Samsidari , Marjin Basal ambos mga active alipores di ASG leader Radulan Sahiron, Alnajer Kaisal bajo con Alhabsi Misaya, Basir Lahan bajo con Apoh Mike, y Munil Jumarain y Padih Hamsari bajo con Almujer Yadah.
Asegun con Franza uno por uno ele ya man cuento con el mga surrenderies para sabe si cosa el rason y paquemodo sila ya puede entra na terorista grupo.
Puera con el diila mga cuerpo ya rindi tambien estos con el diila mga armas de fuergo egual con el (1) M1Garand rifles y (1) Hand Grenade Fragmentation.
Ya revela si Franza que este lang mes de Agosto total de 19 ya del mga ASG el ya rindi na Joint Task Force Sulu .(BNFM Zamboanga)