LEGAZPI CITY – Binisita kan Social Security System (SSS) an 6 na establishimiento sa syudad kan Tabaco katakod kan saindang Relief Afforded to Challenged Employers (RACE) program.
Obheto kaining matawan nin patanid an mga employers kan manlain-laing negosyo na dai nagbabarayad ki tamang kontribusyon para sa saindang mga personahes.
Sa paaging ini, tatawan sinda nin 15 aldaw nganing asikasuhon an saindang bayolasyon nganing dae na ini mag-abot pa sa kasong legal.
Presente digdi sinda SSS Tabaco Branch head Susana Malubag; SSS Luzon Bicol Division VP Elenita Samblero; SSS Luzon Bicol Legal Dep’t Atty. Ma. Charissa Velasco asin si SSS Tabaco acting AMS head Alwyn Ray Mapa.
Kairibahan man digdi an mga personahes gikan sa manlaen laeng Branch kan naunambitang opisina sa bilog na rehiyong Bicol arog kan sa Sorsogon, Legazpi, Daet asin Naga.
Sa ngunyan, nagpagirumdon an opisina sa mga employers na magbayad nin tama sa oras kan kontribusyon nin mga empleyado ninda imbis dae makahampang sa mga reklamo o problema.