6 patay, P11 million danyos sa sunog sa Cebu

Unom katawo ang patay samtang P11,250,000  ang gibiling danyos sa nahitabong sunog kagahapon, August 31, 2021 sa  Arlington Pond, Barangay Sta. Cruz, sa dakbayan sa Sugbo.

Una niini, nadawat sa  Cebu City Fire Station ang alarma sa sunog, alas 2 sa hapon, diin anaa sa 10 ka mga struktura ang naabo sa sunog nga gilangkuban sa mga panimalay ingon man commercial establishments.

Base sa report sa mga fire investigators, nga paspas ang pagkatap sa sunog tungod sa presensya sa light ug mga flammable materials.

Giila sa Cebu City Fire Office ang mga namatay nga sila si Dan Henry Carvajal, 3 anyos; Andre Carvajal, 6 anyos; Felicity Sachi Carvajal, 12 anyos; Lyka Carvajal, 16 anyos ug Hannah Mae Carvajal, 34 anyos.

Samtang giingong awahing na-ugkat ang patayng lawas ni Lilian Carvajal, 72 anyos ug padayong gipangita si Ivan Mejia, 58 anyos usa ka PWD.

Gawas sa mga namatay ug missing, aduna usab mga na-injured sa maong insidente nga sila si Insp. Eraño Fernandez, 23 anyos, FO1 Terencio Lape, 30 anyos, ug ang Fire Volunteer nga si John Robert Rallos, 22 anyos.    

Sa pagkakaron, padayon pang mihimo ug pakisusi ang kabomberohan aron masuta kung unsa ang hinungdan sa sunog.

Leave a Reply

Your email address will not be published. Required fields are marked *