Nalukong sa hut-ong sa militar ang duha ka tag-as nga lider sa komunistang grupo ug lain pang upat ka rebelde atol sa walay hunong nga opensiba sa nagkadaiyang yunit sa Eastern Mindanao Command (EastMinCom) ubos ni LtGen. Greg T. Almerol.
Sa report sa EastMinCOm, nadakpan sa hiniusang pwersa sa 58th Infantry ug AFP intelligence units ang duhaka lider sa North Central Mindanao Regional Committee (SRC-1, NCMRC) nga sila si Manuelito Satur alias Misong/Estong, Secretary ug Merlyn Satur alias Maya, Deputy Secretary sa Brgy Alagatan, Gingoog City niadtong Huwebes September 16, 2021.
Narekober human sa operasyon ang usa ka M4 Rifle, usa ka M203 Grenade launcher, usa ka Cal 45 Pistol nga adunay magazine ug ammunitions, upat ka 40mm nga granada ug uban pang mga gamit lakip mga dokumento.
Samtang atol usab sa serye sa Law Enforcement and Support Operation (LESO) nga gilusad sa 23rd Infantry Battalion ug Philippine National Police upat ka CTG leaders sa Guerilla Front 4A (GF4A), NCMRC ang nisurender nga nailang sila si Khim Agad Mapoy alias Patrick, 27, Front Secretary; Loreto Agad Mapoy alias Arvin, 34, Commanding Officer sa Platoon Joker; Mary Chris Callanta alias Noem, 24, Political Guide sa Squad Uno, Platoon Joker; ug Rolando A Morata alias Pang, 52, Political Instructor.
Ang pagsurender sa mga nahisgutan ang resulta sa walay puas nga paglakag sa kasundaluhan sa mga rebelde aron makab-ot ang gitinguha nga maundang ang kapin tunga sa siglo nga walay pulos nga pakigbisog.
Sumala kang EastMinCom Commander LtGen. Greg T. Almerol, dakong kadawa-on sa pwersa sa mga rebelde ang pagkawala sa upat ka high ranking members nga mosangko sa pagkabungkag sa grupo sa dili madugay.
Gipasalig sa labaw sa militaw sa Sidlakang bahin sa Mindanao nga abli kanunay ang gobyerno sa pagdawat sa mga rebelde nga gusto nang mobalik sa sabakan sa balaud ug gisiguro ang daghang benipisyo nga makuha pinaagi sa Enhanced Comprehensive Local Integration Program (E-CLIP).BNFM-DAVAO
LEGAZPI CITY - Nalaslas ang leeg ng isang lalaking motorista sa Legazpi City matapos na…
LEGAZPI CITY - Pinag-aandaman na kan lokal na gobyerno kan Camalig, Albay an pagbabalik kan…
LEGAZPI CITY - Isinagibo kan nakalihis na semana an District Elections 2024 kan Albay Electric…
KORONADAL CITY – HANDA ang opisina ng Sangguniang Panlungsod o SP Support Services ng Koronadal…
LEGAZPI CITY – Arestado kan mga otoridad sa banwaan kan Daraga an lalaking pigkokonsiderar na…
LEGAZPI CITY – Pigkakakalkulong nasa 87,000 hasta 90,000 katawo an mga nag-atendir sa opening concert…