Sikop sa gipahigayong joint anti-iligal gambling operation sa kapoolisan ang 6 ka mag-uuma, diha Sitio Tamao, Brgy. Aya-Aya, Lugait, Misamis Oriental.
Sa pagpanguna ni Lugait Municipal Police Station commander PMAJ RON MAAGAD BABA ug 2ND Misamis Oriental Provincial Mobile Force Company Commander PLTCOL MARDY HORTILLOSA II, malampuson ang operasyon kung asa nasikop ang 6 ka mga suspek dihang wala nakadagan og nakorner sa mga otoridad.
Naila ang mga dinakpan nga sila ARNEL ANGGOT, 34, ulitawo, residente sa Brgy. Patag, Manticao, Misamis Oriental, BENSIO MAYONILA , 62, residente sa Brgy. Cabalantian, Manticao, Misamis Oriental, RODIVER AQUINO, 36 anyos, ulitawo, residente sa Purok Rizal, Brgy. Poblacion, Lugait, Misamis Oriental, JOSE VILLONDO, 57, residente sa Sitio Laolao, Brgy. Aya-Aya, Lugait, Misamis Oriental, ALEXANDER CABASA, 58, residente sa SitioTamao, Brgy. Aya-Aya, Lugait, Misamis Oriental ug EDUARDO ARMILLA 53, pulos mga mag-uuma, residente sa Sitio Tamao, Brgy. Aya-Aya, Lugait,Misamis Oriental.
Samtang nakasibat usab ang ubay-ubay ka mga suspek human mabantaye ang prisinsiya sa kapolisan.
Nakumpiska sa kapolisan atoll sa maong operasyon ang 25 ka kabouk manok pang-tari, Bet Money nga nagkantidad sa 1,500.00 pesos ug 12 kabouk bulang.
Detenado na sa nasampit nga buhatan ang mga dinakpan samtang gihan-ay na ANG posibling kaso nga ipasang-at batuk kanila.