60% iro sa Sarangani, bakunado na

BAKUNADO kontra rabies ang 60 porsyento sa mga iro sa probinsiya sa Sarangani, kini ang gibutyag ni Federico Yadao, medical technologisy II ug opisyal sa Provincial Epidemiology and Surveillance Unit (PESU).

Ang maong ihap sa mga iro ang nabakunahan sa probinsiya sulod sa duha katuig. Nagtuo si Yadao timailhan kini sa pagkawagtang sa kaso sa rabies sa probinsiya, apan mopadayon sila sa kampanya aron makab-ot ang zero rabies sa 2030.

Ang probinsiya ang 46, 138 populasyon iro, base sa datus sa Provincial Veterinary Office (PVET) atong 2020. Ang nakaangkon og bakuna naa na sa 28, 421 o 61.60% atong 2021.

Samtang 61.18% o 27,917 ka mga iro ang nabakunahan atong 2022, sa 44,895 nga populasyon sa mga iro sa 2021. Atong Marso, naa sa 1,950 iro ang nakaangkon og anti rabies base sa 32,526 nga populasyon niini sa tuig 2022.

Mokabat usab sa 1,249 iring ang naangkon og bakuna atong 2022, atong 2021 naa sa 6.25%. Nanawagan si Dr. Bernard Cababat, Officer Inchaege (OIC) head sa PVET sa mga nanag-iya og iro o iring nga pabakunahan na. Tumong malikayan nga makapaak ang iro nga dunay rabies. I Richel Gubalani

Leave a Reply

Your email address will not be published. Required fields are marked *