60 kambing mula sa da region 2, ipinamahagi sa mga naapektuhan ng bagyong ulysses sa cauayan city

Namahagi ngayong araw ang Department of Agriculture Field Office 2 katuwang ang Cauayan City Veterinary Office ng nasa 60 na kambing sa mga residente na naapektuhan ng bagyong Ulysses.

Sa naging panayam ng 92.9 Brigada News FM Cauayan kay Cauayan City Veterinary Officer Dr. Ronald Dalauidao, ito ay bahagi ng Livelihood Project ng DA Region 2 bilang tulong sa mga residente na naapektuhan ng bagyo partikular ang mga namatayan ng alagang kambing.

Karamihan sa mga nakatangga p sa lungsod ay ang mga nasa flooded areas tulad ng mga barangay ng Gagabutan, Carabatan Punta, Mabantad, Tagaran at iba pa.

Paalala naman ni Dr. Dalauidao sa mga benepisaryo na kinakailangan umanong palaguin ang kanilang ibinigay na kambing para mabigyan din ang ilan pa sa mga naapektuhan.

Ayon pa kay Dr. Dalauidao, isang kambing ang ibinigay sa bawat isang tao.

Samantala wala naman umanong kasiguraduhan kung magkakaroon pa ng ikalawang bagsak ng pamamahagi ng kambing sa lungsod dahil magsisimula na rin ang kanilang pagbibigay ng baboy sa mga naapektuhan naman ng African Swine Fever o ASF.

Leave a Reply

Your email address will not be published. Required fields are marked *