Malipayon nga nag-gradwar ang 600 ka mga estudyante sa Alternative Learning System (ALS) sang School Division of Capiz sang damlag lang.
Nagtambong sa nasambit nga kahiwatan si Vice Governor James “Mitang”Magbanua kun sa diin naghatag ini sang mensahe sa mga nagtapos nga estudyante.
Suno kay Magbanua, ang ALS isa ka oportunidad nga ginahatag indi lang sa mga out of school youth kundi pati man sa mga katigulangan nga asta subong naga-handum gid nga makatapos sang ila pag-eskwela.
Gina-pasalamatan man sini ang mga manunudlo nga wala gid nakapoy kag naga-pasensya sa mga Alternative Learners. Dugang pa niya, kabay nga ang kadalag-an sang mga graduates mangin isa ka mensahe kag inspirasyon sa mga kabataan kag mga katigulangan nga magpadayon kag magtapos sang ila pag-eskwela paagi sa ALS. | Judy Ann Juare