LEGAZPI CITY – Nakua na ang 63 anyos na lalaking parasira na napabaretang nawawara sa Brgy. Bigaa, Legazpi City.
An lalaki, binistong si Danilo Reyes, residente kan nasambitan ng barangay.
Segun sa aki kaini na si Marivic, naglawod an saiyang ama, alas 3 nin hapon kan Marso 13 kaibahan an saiyang tiyuon.
An pamilya naghadit na kan bandang alas 10 kan banggi, uminuli an tiyuon na dai kairibahan an saindang ama.
Segun sa tiyuon, naubusan daa ki gas an tiglulunadan nindang bangka asin pinainot na siya para magkuwa ki gas, nagpawalat man si Danilo na naglalaom na mababalikan tulos siya.
Pagbalik kan tiyuon sakay kan saro pang bangka, dai na mahanap si Danilo sa tahaw kan dagat, kun sain ini winalat.
Sa pakikipag-olay kan Brigada News FM Legazpi kay Marivic, emosyonal ining nangapodan na sana sinda matabangan na mahanap an senior citizen na nindang ama.
Alagad sa tahaw kan pangangapodan kani, marhay na bareta man an uminabot, segun kaya sa mga bangkero, nakua na si Danilo asin nasa marhay nang kamugtakan.
Labi-labi man an pasasalamat ni Marivic sa mga nagtarabang na maghanap sa saiyang ama. | MARVIN CORDOVILLA