64 anyos na lolo, nakit-ang patay

Nakit-ang patay ru sangka 64 anyos nga lolo sa gina uli-an nga baeay sa boundary it Sitio Mahabang Bantod ag Sitio Tugbungan, Brgy. Pook, Kalibo, Aklan kaina it agahon.

Suno sa gumankon it biktima, nakita eon lang ni Jonie Raquin, amigo it biktima nga maeamig eon nga bangkay si Edwin Ubas, 64 anyos ag naka eobog.

Nasayuran nga gin hapit ni Raquin ru biktima sa pag harvest it bangus sa sariling tangket nga maeapit eamang sa lugar.

Nasayuran nga ru biktima hay may gina batyag nga mga sakit sa kaeawasan.

Samtang, kombensido man ru pamilya nga uwa it foul play ru pagkamatay it biktima.//MARIVIC Y. ILIN

Leave a Reply

Your email address will not be published. Required fields are marked *