NAKAPAHIYOM ug nakakatawa ang mga mabdos sa ika-18 nga End Stunting Now Activity sa Brigada Gensan sa sulod sa Family Planning Unit sa Dr. Jorge P. Royeca Hospital Hunyo 7, 2023.
Usa ka mabdos gikan sa Barangay Calumpang nga si Haniya Cali, 27-anyos ang nahimuot kay wala gayud daw siya nagdahom nga makadaug sa libre nga ultrasound sa pa raffle.
Wala usab daw siya nagtuo nga aduna diay End Stunting Activity sa sulod sa Family Planning Unit nga adbokasiya sa Brigada aron malikayan ang pagkabansot sa mga kabataan, mao nga nakapasalamat gayud siya sa nadawat nga grasya.
Wala usab nagpaulahi sa sayaw ang lima ka mga mabdos sa pagpanguna ni Brigada Jane Alido mao nga nakadawat usab sila og cash nga pahalipay.
Samtang ang ubang mabdos nakadawat og infant kits ug libre nga arrozcaldo.
Kahibaluan nga ang End Stunting Now Activity ginahimo matag adlaw nga Miyerkules sa sulod sa Family Planning Unit sa pagtugot ni Dr. Ryan Aplicador. I Ver Diazon