64 na bagong kaso, 54 recoveries at 2 pagkasawi sa COVID-19 naitala sa Bicol

BICOL—Nadagdagan ng 64 na panibagong kaso ng COVID-19 ang Bicol region kung kaya pumalo na sa 21,376 ang kabuuang kumpirmadong kaso ng sakit sa rehiyon.

Nagtala ng pinakamaraming bagong kaso ang lalawigan ng Camarines Sur na may 32 kung saan 17 nito ay mula sa Naga City, tatlo sa bayan ng Lagonoy, tigdadalawa ang mga bayan ng Libmanan, Baao at San Fernando at tig-iisa naman ang mga bayan ng Calabanga, Cabusao, Lupi, Tigaon at Tinambac.

Ang Sorsogon ay nagtala ng 20 na bagong kaso kung saan sampo nito ay mula sa Sorsogon City, tigdadalawa ang mga bayan Bulusan, Donsol, Gubat at Pilar at tig-isa ang bayan ng Casiguran at Castilla.

12 bagong kaso ang naitala sa Albay kung saan tigtatlo ang bayan ng Daraga at Camalig, dalawa sa lungsod ng Ligao at tig-iisa ang mga bayan ng Bacacay, Libon, Tiwi at lungsod ng Legazpi.

Habang pare-parehong zero new case naman ang mga lalawigan ng Camarines Norte, Catanduanes at Masbate.

Samantala pumalo na sa 17,408 ang total recoveries matapos madagdagan ng 54 na bagong gumaling kung saan 23 nito ay mula sa Naga City, 14 sa Sorsogon, sampo sa Catanduanes at pito sa Camarines Norte.

Dalawang bagong pagkasawi naman ang nadagdag na mula sa Albay at Sorsogon kung kaya pumalo na sa 806 ang death toll sa COVID-19 sa Bicol.

Kaugnay nito ay patuloy pa rin ang paalala ng Department of Health (DOH) Bicol sa publiko na sundin ang #BIDASolusyon + sa COVID-19 para sa Serbisyong Salud Bikolnon.

𝐁-Bawal ang walang Mask at Faceshield, 𝐈-isanitize ang mga kamay at iwasan ang kulob na lugar, 𝐃-dumistansiya ng isang metro at limitahan ang interaksyon sa iba at 𝐀-alamin ang totoong impormasyon plus Suportahan ang approved na bakuna.###  || slm

Leave a Reply

Your email address will not be published. Required fields are marked *