Nag angkon it lastro sa kaeawasan ro sangka lola matapos rayang masunggaban it tricycle sa may Archbishop Reyes ag Martelino Sts., Kalibo kahapon it hapon.
Ginkilaea ro biktimang si Josephine Pamatian 65yo it Brgy. Linabuan Norte, Kalibo samtang ro driver it tricycle nga nakabangga kana hay ginkilaea si Harby Castillon 46yo it Brgy. Estancia, Kalibo.
Sa imbestigasyun, samtang nagamanehu it anang tricycle si Castillon hay aksidente kara nga nasunggaban ro patabok nga biktima.
Samtang, nagkasugot man ro magtimbang nga parte nga pagasabton ni Castillon ro gastos sa pagpabueong it biktima. / ANN DESLENE SALAZAR