68 ka mga wanted person, nadakpan sang mga katapo sang RCPS

Madinalag-on nga naserbihan sang warrant of arrest sang mga katapo sang Roxas City Police Station (RCPS) ang 68 tanan ka mga wanted person sa syudad sang Roxas.

Suno kay Police Lieutenant Colonel Francisco Paguia, hepe sang RCPS, sa nasambit nga numero, 53 diri ang other wanted person kag 15 naman ang most wanted person nga ila nadakpan sa sulod sang anom ka bulan humalin Enero tubtob Hunyo sini nga tuig.

Dugang pa sini, siyam naman ka mga indibidwal ang ila nadakpan sa paghupot sang iligal nga armas-luthang, 12 ang mga nagkaladakpan sa iligal nga droga kag anom sa iligal nga pasugal. | Judy Ann Juare