7-KA TUIG NGA BATA NGA LALAKI, PATAY MATAPOS NAKURYENTE SA BANWA SANG TAPAZ

Patay ang 7-ka tuig nga lalaki matapos nakuryente takna alas-4:00 sang hapon sa Barangay Daan Sur, Tapaz, Capiz.

Ang wala ginhingadlan nga biktima ang isa ka grade 2 pupil kag residente sang amu nga barangay.

Sandig sa imbistigasyon nagikan sa Tapaz PNP, samtang nagalakat pauli ang bata nga nagaisahanon halin sa eskwelahan, aksidente ini nga nadanlog sa dalan kag nasalapay ang nautod nga kable sang kuryente sang CAPELCO.

Nasapwan na lamang ang amo nga puya nga nagakayaon kag ginpadangat pa sa Tapaz District Hospital apang gindeklarar ini sang doktor nga dead on arrival.

Sa karon, yara ang bangkay sang bata sa isa ka punerarya sa amo nga banwa.//KMD Gicalde