LEGAZPI CITY – Nagpapadagos sa ngunyan an pagkokonstruwir nin mga tulay sa primer distrito kan Albay.
Ini an sinabi ni Allan Imperial, Administrative Officer asin Public Information Officer ng 1st District Engineering Office kan Departmment of Public Works and Highways (DPWH) sa Brigada News FM Legazpi.
Segun kay Imperial, pitong tulay an pigkokonstruhir sa primer distrito magpuon sa banwaan nin Sto. Domingo, sa parte kan Brgy. Lidong asin sa iba pang mga banwaan.
Target ining tapuson kan ahensya an pigkokonstruhir sa Lidong sa katapusan kan bulan nin Oktubre.
Kadaklan na mga proyekto ninda iyo an pagpapahiwas nin tinampo na sarong kasuguan kan National Government kun sain gabos na tinampo na may tulay kinakaipohan na pahiwasan.
Tinawan-doon kan opisyal na an pigkokonstruhir na tulay huri nang tinawan nin budget huli ta dakulon suboot na pig-aagihan antes maibaba an pondo kaini.