70 cadavers mula Bilibid, ipalilibing bukas

Kinumpirma ni Bureau of Corrections officer-in-charge Gregorio Catapang na simula bukas ay ililibing na ang bagong batch ng mga bangkay mula sa New Bilbiid Prison.

Matatandaaang sa kasagsagan ng imbestigasyon sa Lapid-Villamor slay case – naungkat ang halos dalawang daang mga labi ng mga persons deprived of liberty (PDLs) mula sa Bilibid na natambak sa isang purenarya matapos mabigong ma-claim ng kanilang mga kaanak.

Sa pagharap ni Catapang sa ginawang pagpapalaya ng mga PDLs ngayong araw, inanunsyo niya ang pagpapalibing sa 70 mga karagdagang cadavers simula bukas.

Samantala, muli rin itong nagbabala sa mga personnel ng BuCor na umiwas na sa kurapsyon dahil may kalalagyan ang mga ito.

Bago pa man ito, ipinag-utos na ni Catapang ang pagpapahinto sa ilang mga proyektong iniwan ni suspended BuCor chief Gerald Bantag na nahaharap ngayon sa murder charges.

Kabilang na rito ang ipinatatayong extension building, at iba pang mga projects na naungkat sa imbestigasyon sa mga kaso ng dating liderato ng BuCor.
#

Leave a Reply

Your email address will not be published. Required fields are marked *