GIKAN sa 5,582 ka tawo nga gipailawum sa RT PCR testing sa gipakusgang surveillance testing sukad Marso 30 hangtud Abril 26, 2021, anaa lamang sa 72 o 1.3% ang nagpositibo sa COVID-19.
Sumala kang Dr. Ashley Lopez, ang Acting City Health Officer ug Covid-19 Task Force focal person, bisan ubos ang 1.3% positivity rate apan dakong bahad ang transmission niini.
Gipamunto ni Lopez ang kamahinungdanon sa surveillance swabbing sa pagsuta aa asymptomatic Covid-19 cases aron maputol dayon ang potensyal nga tinubdan sa kagaw.
Tungod niini mas daghan pang naka-schedule nga surveillance swabbing ang takdang ilusad.
Gawas sa swab-drive thru alang sa mga public utility vehicle (PUV) drivers, courier service, ug food delivery drivers nga gisugdan sa milabayng Abril 26, sunod-sunod ang gipahigayon nga testing sa Brgy. 76-A Bucana ug Brgy. 19-B kung diin anaa sa 359 ka indibidwal ang na-swab.BNFM-DAVAO
