750K gitunol sa 30 ka FR’s sa Bukidnon

Gitunol sa Provincial Government sa Bukidnon ang tabang-pinansyal, ingon man sa bugas ug canned goods nga mokantidad sa 750-mil pesos alang sa 30 ka mga kanhi rebelde dungan sa gipahigayon nga presentasyon sa mga kanhi rebelde ug mga gitahan nga armas sa 403rd Infantry Brigade Philippine Army Headquarters sa Impalambong, Malaybalay City, Bukidnon.

Midawat sa tag-25-mil pesos ang matag kanhi rebelde gikan sa Kagamhanang Probinsyal sa Bukidnon, pinaage sa Provincial Social Welfare and Development Office, tag-usa ka sakong bugas ug tag-usa ka cartoon sa canned goods, subay sa Financial and Food Assistance diin nagsumikad usab sa Provincial Enhanced Comprehensive Local Integration Program nga nagtinguha nga maabagan ang mga kanhi sakop sa komunistang grupo.

Una nang gikalipay sa LGU-Bukidnon ug sa military ang desisyon sa 30 ka rebelde nga mubalik sa sabakan sa gobyerno.

Una nang gipasabot ni 4th Infantry Division, Philippine Army Spokesperson Major Franciso Garello ang kamahinungdanon sa pagtahan sa gobyerno ug ang kapa-ig-nan kung magpabilin sa kalihukan.

Kahibaloan nga gibutyag sab ni 4th ID Commander Major General Romeo Brawner, Jr., nga gikan sa pagpatuman sa kagamhanan sa E-CLIP sa tuig 2016, anaa na sa kinatibuk-ang 909 FRs ang na-enroll sa programa, diin 548 dinhi ang nakadawat na sa E-CLIP benefits ug 361 usab niini ang kamulo pa gi-proseso ang mga dokumento alang sa funding sa nasudnong pangagamhanan.-END-

Leave a Reply

Your email address will not be published. Required fields are marked *